秦沛Paul哥七十四歲生日，兩個仔女姜文杰及姜麗文好有心，準備了蛋糕賀老竇生日，秦沛仲即場食長壽麵，賀一賀。
有仔女咁有心，Paul哥當然開心，因為佢年輕時，同前妻梁盛子離咗婚，要一個男人湊大兩個仔女，當時又要返香港拍戲拍劇，同仔女分開兩地，好少機會陪佢哋，所以有些遺憾，秦沛仲話自己做爸爸麻麻地，不過一對仔女就好乖，所以自己都好安慰。
講起慈父，其實秦沛都係圈中眾人阿爸，因為他演過的電影同電視劇，有好多明星藝人都係佢仔仔女女，好似劉德華呀！城城郭富城呀！周迅呀！楊千嬅呀！仲有胡杏兒、鍾嘉欣……秦沛話這班仔女對佢都好好，好似胡杏兒同鍾嘉欣結婚請他飲喜酒，打電話來的時候都會講：「老竇，我結婚嗱！來飲吖！」真係好窩心㗎！
圖片來源：lesleychianglove@Instagram