阿嬌上周二啟程往美加巡迴，25號（美國時間）將舉行婚前派對，話說祖兒本來明天出發去洛杉磯，點知今日發現美國簽證已過期，無法出席派對，其實當日大家收到阿嬌通知25號開派對時，好多朋友仔都以為阿嬌講嘅25號係香港時間，仲大部份以為係夜晚party添，所以有不少朋友仔訂左24號飛，如果24號過到去剛好錯過25號下午的派對，好彩大家發現得早，及時改機票，冇好似祖兒咁大懵，到出發前先知簽證過期。
已經喺美國玩緊嘅Yumiko就醒啦！冇話即刻訂機票，她說:「我就係因為遲左訂，所以冇中伏！」不過最醒係佢一家人同阿Sa阿嬌同日飛，早啲過去玩，咁就點都唔怕出錯啦！