袁文傑早前於社交平台上載他抱住一隻左邊眼球全白了的貓BB片段，表示貓BB在柴灣被好心人救起後，他再通知另一位有心人趕往救援接走貓BB，然後由朋友帶往獸醫檢查，可惜證實貓BB的左眼已壞死，要接受眼球摘除手術，昨晚他在社交平台更新康復進度，原來貓BB已順利完成眼部手術，他寫道：「跟進一下喺柴灣獲救的小貓狀況，經過第二次入院（逗留一個星期），完成手術後正式摘除左眼球，戴咗『燈罩』個多星期，由於小貓非常好動，傷口位曾經爆過少少線，但都冇乜大礙，照樣非常擦得，好動，遲啲會去打第一針，感恩霞姐和Nancy支持部分手術住院費用。」