李嘉徒手劈磚
有睇過無綫劇集的觀眾，應該對李嘉這位演員有印象，他經常在戲內扮演一些武藝高強的反派，稱得上是TVB御用奸角，原來做奸角除了樣夠衰，演技夠奸外，仲要有兩手技術傍身，現實生活中他熱愛武術，從小就開始習武，不時在社交網站分享練武片段，之前他就試過手劈榴槤，睇到網民嘩嘩聲！
冇見一排，李嘉又再出動，他前日在社交網站分享一段手劈磚頭的短片，片中李嘉拿起個鎚仔，不停敲個磚頭以示真貨，敲極都唔碎，轉頭佢就用手一劈，磚頭就裂開，唔少網民大讚李嘉真係內功深厚。
除了劈磚頭，其實他劈過很多東西，年初他拿着一個汽水罐，然後用手指「督」開了汽水罐，汽水就馬上噴出來，而試過拍戲休息時間，隨地找來了一塊石頭，然後就單手劈開，你都咪話唔堅。