萬聖節又到！一眾星媽當然捉緊節日機會，幫自己愛子愛女好好打扮一番應應節！以下的星B造型萌爆，遇到他們應該會自動獻上所有糖果吧！
以往都會幫混血囝囝打扮賣萌的名模周汶錡，今次就將大仔Jacques扮成可愛吸血鬼，細仔Avner除了有小巫師造型外，更有中式白髮僵屍BB打扮，可愛到暈！
剛生完B不久的楊洛婷因第一次同囡囡Tanya過萬聖節，就用暖暖的橙色針織帽將囡囡包到變成南瓜BB，熟睡的Tanya乖乖任媽咪裝身萌到爆！
近來因內地綜藝《爸爸去哪兒5》人氣急升的「小小春」Jasper獲媽咪應采兒打扮成小恐龍，進行可愛襲擊！Jasper穿上立體造型的恐龍衫，交足戲擘大口扮恐龍，搞笑之餘不失可愛！
台灣就有小S做另類萬聖代表的星媽，一貫小S家搞怪的作風，小S三個囡囡都非常認真地打扮成恐怖片的主角，逼真到晚上遇到她們絕對會被嚇倒。小S自己則扮成靚靚白雪公主，同囡囡完全兩種風格。
圖片來源：周汶錡、楊洛婷、小S@Instagram、應采兒@微博
