十字步又出現喇！家燕姐今日化身Captain Nancy，為她十二月一連兩場首次於紅館《薛家燕愛你無限60年演唱會》舉行記者會，七公主中陳寶珠、馮素波及王愛明親自撐場，而蕭芳芳及沈芝華雖然未能到場，但依然拍片祝賀。
家燕姐表示眾公主得知她首次舉行紅館演唱會，即二話不說表示一定撐，令七公主再有機會在紅館同台演出，記者會上當然少不了她的招牌舞十字步，與三十多位影迷齊齊跳，「今次搵咗Sunny Wong幫我排舞，佢向來都幫天王巨星，仲係城城演唱會御用舞蹈，佢話會將我打造同城城一樣咁勁，今次唔止腳跳十字步，連手都要跳！」