安安余安安這幾年都會在澳門搞喪Z行（Zombie walk），出心出力為奧比斯籌款，今年安安將喪Z行玩到香港，仲會喺銅鑼灣Fashsion walk舉辦，安安話：「今年十月廿六號會搞這活動，香港係第一次，因為我覺得香港人好有愛心，而且人口多，可以聚集多啲人一齊參予，善款又可以多些，而且這個活動又咁有意義，大家可以一齊玩吓，扮吓喪屍在街頭行吓，跳吓舞，而且我哋亦會搞化妝比賽，選最佳扮相，我會做評判。」一如以往，今次活動跟Styloween合作，而籌得嘅款項，會捐去奧比斯。
余安安這幾年都會在澳門搞喪Z行（Zombie walk），出心出力為奧比斯籌款，今年安安將喪Z行玩到香港。
余安安找了陳文輝孫仔Gary Chan替她做特效化妝 。
安安為咗讓大家更了解這喪Z行活動，她特別找了陳文輝嘅孫仔Gary Chan替她做特效化妝，先拍一條宣傳短片，見她在臉上手上都要倒模，問她化乜造型，她說：「我唔知，交給Gary全權負責，我只係要求要型，不過應該都幾激，不過呢個造型只係在宣傳片出現，在活動當日會化個靚嘅型嘅簡單啲造型。」
