陳奕迅繼《人啊人》之後，推出新歌《盲婚啞嫁》，並邀請了曾經與他合作《短暫的婚姻》女主角蔡思韵一起拍攝新歌MV，新歌更會有一個長達15分鐘的劇場版，由Eason、蔡思韵、谷祖琳 、陳紫萱和吳肇軒等人，一起演一個穿越時空的感人微電影 。
《盲婚啞嫁》歌曲劇場版講述Eason是一位攝影師，太太去世後，如何走出傷痛破繭重生的故事。歌詞內容意思是指人生如戲，劇本前世今生已定，我們只能順着劇本走下去，人生就好似「盲婚啞嫁」一樣，開始時，大家都不認識大家，莫講夫妻，父母兄弟姊妹，都是出生前一早已幫你揀定人選，當中是喜是悲，控制在於自己這位主角的心態。擁有過、失去過，兜兜轉轉間，有緣又會再重聚。
再次與蔡思韵合作，Eason 表示能再合作十分開心，發覺蔡思韵長大了不少，做戲更自然及有味道，「因為之前合作過，所以冇陌生感覺，覺得幾好呀！今次人人都做得好好，陳紫萱、 吳肇軒 、谷祖琳，甚至演來影相的兩位老人家，都演得好好，得我一個演得唔夠好囉！」
問到Eason做咩咁謙？MV中見到他又喊又笑，非常之投入兼有戲味，Eason就話，「我估係剪接剪得好、導演好啦！（你對住張空床同攝影機喊晒，滴晒真眼淚喎？）係呀，真係滴晒真眼淚，拍攝場地其實好多人，可能個景set得好靚、好懷舊，幫到好大忙。喺個景入面，咪自己走埋一角，諗下如果一個人咁開心、咁樂觀，伴侶離開自己會點，諗諗下，叫我埋位，眼淚就自然咁流咗落嚟！不過講演技，我真係仲有好多嘢要學，仲有好大進步空間。」
這次有MV，還有一個15分鐘劇場版，十足一套微電影，稍後亦會於網上發放。Eason表示，「微電影都係導演的構思，反正都拍一個故事，不如就拍多一個劇場版，所以都拍咗兩日，都幾長時間，但係都做得好開心，係有滿足感嘅！」
