車婉婉和老公及囝囝BBQ上個月趁住聖誕假期，到澳洲悉尼旅行，順道回鄉探親。原定1月6日結束旅程回港，但當日早上，婉婉才發現搵唔到自己的護照，她寫道：「本來6號回港，6號早上發現唔見咗我個passport，個人即時呆左，六神無主！報警、打去Airline、去領事館、影相、上網、填表、去郵局、星期五、六、日無人返工、無人聽電話、淨係聽錄音，超迷！」
車婉婉又表示感到好無助，更因為自己的大頭蝦導致整晚不能入睡，不過她指自己有一股好強烈的感覺，passport會在機場，所以一朝早就打去機場問：「一早起身就打晒機場Lost and Found 嘅電話，終於有一個有人接，講咗件事同埋名俾個officer知，佢即刻答我話『We have it ! You are so lucky!!』我𣎴能相信我的耳朵，真係响機場？真係！在此感謝那位執咗我個passport嘅天使，交咗俾ABF，真係超感恩超好彩！」
車婉婉呢次大懵又好彩的經歷，令不少網民都留言：「真係要多謝執到妳passport嗰個好心人」、「幸運之神陪伴你」、「真係好彩」、「咁都搵得返，最犀利係你記得喺機場」。
相片來源：車婉婉@Instagram
