陳奕迅再次揚威台灣金曲獎，昨晚憑《C’mon In》大碟第3次贏得金曲獎最佳男歌手，同時攞埋年度專輯獎，打低林俊傑等強敵，上台領獎時又跳又笑，非常興奮。在後台，Eason被問到有冇戴幸運符，佢即刻從西裝內袋掏出眼鏡，話只有戴眼鏡，上台領獎要睇清楚，事實上，Eason在俄羅斯睇世界盃時，已成日戴眼鏡。同晚奪得最佳女歌手的是台灣女歌手徐佳瑩，她擊敗了大熱張惠妹。
金曲獎頒獎禮的早上，Eason在台北南京東路的光合箱子Daylight食早餐，被歌迷野生捕獲，這間潮食店由台南開始出名，走文青風格，在台北有兩間店，最出名食brunch早午餐。