無綫新進小生余德丞（Dickson），八月中踢波期間暈倒昏迷，情況一度危殆，留院期間，日前更度過了29歲生日。在醫院休養足足一個月後，今日Dickson終於宣布出院了，他在ig發表長文感謝一班醫護人員、家人、公司、經理人、同事、粉絲和關心他的人，更說：「坦白講，原來連續咁多日面對住一樣的三面牆，加埋打唔開的窗，感覺真係好難受！
所以我都希望今次之後，我的身體會生生性性，爭一口氣，唔好再令大家擔心。醫生話短期之內唔可以做運動住，相信都會係我最唔習慣的。生命冇take 2，今次咁好彩有多一次機會，我一定會好好珍惜，俾啲時間，等我休養多一陣，好快我就會重新出發。」