大家想唔想知道半世紀前嘅俊男美女係點？等家燕姐話俾大家知，佢在社交平台擺放了一段六十年代與許冠傑合演 MV的片段，佢話係前幾日朋友發給她的，見到片段中嘅自己，家燕姐仲話趁天氣冇咁熱，都想去跑吓山喎！
MV中兩人都相當嫩口，家燕姐一把長髮不時少女轉，加上兩人在草地上奔跑，真係把大家帶回昔日的美好時光中，家燕姐回想當年點滴依然回味，「記得大約是一九六七年左右，TVB製作了新節目《雙星報喜》，第一集特別嘉賓就找我，當時仲同許冠傑拍了首《interlude》的MV，不經不覺已五十年前了，睇返張相都覺時光飛逝，絕對是很好的回憶。」