【陳展鵬結婚】「花艇」娶單文柔陳展鵬海上註冊

視帝陳展鵬與單文柔（Phoebe）今日拉埋天窗，新郎哥今朝七點半左右就抵達中環四季季酒店準備接新娘。

大約九時半，穿上紅色旗袍嘅單文柔翹實穿上中山裝禮服的陳展鵬臂彎出現，兩人笑容滿臉，沿路姊妹為新娘撐起紅傘，企定定影完相就上花車，原來展鵬一早安排了遊艇搞儀式，更會在船上進行註冊，於是大家浩浩蕩蕩去咗中環九號碼頭上船，而呢艘「花船」仲有大批藍色白色波波放在甲板上，唔知一對新人有乜遊戲玩呢？

而展鵬「家姊」李麗霞（黑妹）約八時已抵達酒店，同「細佬」齊齊接新娘，至於跟展鵬識於微時的前亞視港男杜挺豪，更由加拿大返港出席老友婚禮。