近期漫威（Marvel）超級英雄死侍（Deadpool）大熱，唔少人睇完都話超爆笑，但其實爆笑英雄點只得一個？由荷里活喜劇天王占基利（Jim Carrey）擔當主角的《變相怪傑》（The Mask）電影都不容忽視，而佢套電影仲比死侍早成廿年推出呢！
《變相怪傑》絕對係占基利最具代表性電影作品之一，他在電影中的表現生鬼有趣，一時勁歌熱舞，一時一正經地說話都喜感十足，所以深得觀眾喜愛。套戲除咗有連環笑料，面具背後仲有一個發人深省嘅大道理。電影《變相怪傑》中的主角戴上面具後便擁有超能力，可隨心所欲變出想要的東西，簡直是要風得風，要雨我雨，可是當除下面具便會打回原型。正如他本人一樣，銀幕（面具）背後的心酸只有他自己知曉，患有抑鬱症的他曾坦言抗鬱藥對他來說已沒有多大作用，藥物雖然可以短時間內令他忘憂，但藥效一過便會感到更心煩氣躁。
另外，《變相怪傑》當年海外票房大賣三億五千萬，故引來不少後來者模仿，甚至連星爺都忍唔住喺1995年都推出致敬作品《百變星君》。
一個黃西裝，一個綠西裝，造型如有雷同真係實屬巧合
星爺《百變星君》同《變相怪傑》一樣，想變乜就變乜。
圖片來源：互聯網