今日（23日）是黃翠如三十七歲生日，昨晚陪她慶生的，除了男友蕭正楠外，還有一班好兄弟袁偉豪、曹永廉、楊潮凱和區永權等。
翠如bb個生日蛋糕非常搶眼，佢見到都不禁嘩嘩聲，呢個蛋糕用朱古力製成的樹枝心形框架中間吊住個立體大紅蘋果，非常有愛，再加埋煙花式的蠟燭，一班兄弟高唱生日歌，真係夠晒喜氣洋洋。
翠如bb留言「謝謝蕭一，為我準備了一個全男班的生日飯，一班男人的約會，總覺得我也是男人的一分子，謝謝各位俊男，祝黃二我生日快樂。」而好友區永權亦留言：「蕭蕭為壽星女安排呢個『神秘驚喜全男班生日宴』的確係堅！剛陽味強，顏値數高，加上尾段加插一段集體初嚐蘋果蛋糕一幕，絕對係完美句號！話時話，個蛋糕確實好正！生日快樂呀，黃脆薯！」
原來蕭生送俾翠如bb的生日蛋糕，出自蛋糕師劉志穎的手筆，佢之前都幫過好多藝人整蛋糕，主要係手袋和立體公仔款式，今年生煎包王子Oscar都整過一個類似的大紅蘋果生日蛋糕俾老婆江若琳呢！另外，翠如bb回應「全男班生日會」時透露：「其實一路開緊劇，未有時間同朋友食飯，edwin在我收工後約一班朋友食飯，剛好是男生。之後會同其他朋友食飯，不過都要就開工期 」
影片來源：黃翠如@ Instagram
圖片來源：區永權@Facebook