蔡卓妍（阿Sa）昨天（1號）同朋友出海玩咗人生第二次wakesufing，條片見到佢滑水英姿，企喺滑水板上超過兩秒，但原來之後受傷仲入埋醫院，阿Sa說:「落水嘅時候，其實個人同塊板都分開咗㗎喇 ！不過咁啱有個浪沖返塊板過嚟 ，撞到個頭囉 ！即晚搵咗醫生縫咗針，唔知縫咗幾多針，因為縫咗幾層有好多針，個醫生話佢都冇數，同埋都打咗破傷風針，而家要黐住膠布。」
阿Sa即將投入新戲拍攝，「好彩嚟緊套戲做警察 ，有傷口都好合理嘅 ，不過好似都要改少少劇本 ，覺得唔係咁好意思 。」擔唔擔心破相？ 「破咗啦 哈哈!不過唔擔心有疤，更加有 character，刀疤Sa！哈哈！」問阿Sa以後仲敢唔敢玩？ 貪玩嘅阿Sa說：「玩呀！啱啱先可以企喺個浪度滑，都仲未甩繩 。或者之後戴打拳嗰啲頭盔囉 ，哈哈 ！不過而家唔浸得水，要等個傷口好返 ，可能要下一個夏天先玩得。」
圖片來源：蔡卓妍@Instagram