「爺爺」陳家樂同余香凝分手後，女方負面新聞不停出現，陳家樂今日站出來維護前度，「佢冇偷食！佢唔係咁嘅人，呢件唔係事實，但要一個女仔承受咁大壓力，覺得唔可以囉。」陳家樂話大家冇為呢件事去傾，佢都要時間消化，「我想像唔到件事會被發酵得咁犀利，分手原因我唔想講太多，係我哋兩個人嘅事，況且我哋已經有好好共識。」 陳家樂又話大家在一個月前已分開，唔講嘅原因係大家都各有事業去衝刺，大家在呢段時都有重要嘅工作，想等到完成後，搵最好嘅時機才講，唔係刻意隱瞞大家。