周潤發（發哥）同郭富城（城城）合作拍攝嘅新戲《無雙》即將在本周四（10月4日）正式上畫，繼日前城城「派錢」後，今日《無雙》團隊去到星影匯又搞新意思，齊齊跳住做宣傳。
從片段可見，主持首映禮的司儀、發哥同城城幾乎跳足全程。而當主持人問到發哥對於「印銀紙」有咩睇法，貼心嘅發哥仲拎起張紙巾幫主持人「印」汗，還風趣地說：「印銀紙梗係開心過印汗啦！」引得在場觀眾爆笑。另外，四哥謝賢同棟篤男神黃子華都有親自到場齊齊撐發哥、城城，果然夠晒老友。
