彭懷安（Eddie）最近客串無綫劇集《天命》飾演和琳一角，被陳展鵬力讚夠哂奸，戲中佢俾人虐打，估唔到佢啱啱客串咗《掃毒2天地對決》又俾人打。
Eddie說:「劇情講我背叛左古仔（古天樂），所以俾佢吊起嚟打，因為我要赤祼上身冇衫著，冇得墊pad，其實古仔同攝影師都已經就住我，道具亦包了軟膠，但有啲位都要食吓力先逼真，拍完呢場戲古仔見我條腰紅哂，都慰問我有冇事，我敷完冰，返到屋企開始腫，第二朝就黑哂，其實都冇乜嘢，搽啲跌打酒就無事，都唔使睇醫生，今次件事令我覺得做藝人面對一些鏡頭也避無可避，所以一班特技人和武師是很值得我們致敬。」
Eddie今次雖然被打，但能夠與古仔演對手戲是很開心，他說:「古仔係我和我一家人的偶像，見到佢已經好開心，他問我係唔係做和琳嗰個，我估唔到佢咁忙都有睇電視劇，佢對人好好，好細心，見到我冇著鞋行嚟行去，會叫我著返對拖鞋先，話未得嚟辛苦過咩！希望有機會可以再跟他合作。」
部分圖片來源：互聯網