譚詠麟同許冠傑8月開演唱會part 2，早前一齊出海拍外景，阿Sam帶埋結他邊彈邊唱，相當happy，呢兩日上空一片藍天白雲，唔似之前忽晴忽雨，兩位巨星拍到好靚嘅畫面，仲可以順便同陽光玩遊戲，阿倫和阿Sam都鍾意戶外活動，非常享受工作過程，拍攝過程中發生小插曲，話說阿倫戴住cap帽，但不慎被大風吹走頂帽跌落海，幸好沒有被浪沖走，有辦法撈回來，失而復得的「A」字奧克蘭棒球隊帽子顯得特別珍貴，阿倫搞笑地拿着帽子合照，在相片寫上「逃走計劃失敗」，這是他代帽子寫的想法。午飯時間，正所謂「靠海食海」，外景crew點了一桌子海鮮，有蝦有蟹有蒸魚有刺身及魷魚，菜式好豐富，有「食物焚化爐」之稱的阿倫吃得盡興，阿Sam和一起拍攝的靚女利穎怡都讚好味。
圖片來源：譚詠麟@微博