曾經同方力申傳過緋聞嘅KOL楊舒婷（Sadelle）笑容甜美可人，有「翻版郭可盈」之稱。佢經常喺Instagram發布吃喝玩樂、周遊各地嘅靚相，極具生活品味，所以吸引咗唔少followers。但近日有網民發現Sadelle原來用咗唔少偷圖，偷相扮去旅行，而日前當事人終於發文道歉，承認過錯。
曾經同方力申傳過緋聞嘅KOL楊舒婷（Sadelle）笑容甜美可人，有「翻版郭可盈」之稱。
Sadelle道歉文：
「今天凌晨剛剛回到香港，在這次的旅程中，我回想了過去的自己，安靜地反複反思最近發生的過錯。我意識到在這件事情上 我的確做錯了。在此，我希望借由這個平台，對被我偷圖的原創者作出最深切的致歉。我承諾日後不會再犯同樣的錯誤。另外，謝謝你們每個善意的提醒和批評，是你們的聲音令到我不斷成長。我會更加努力學習自己知識以外的事情。 (首要學烹飪 煮靚隻蛋）無論支持或批評的留言，很多時候我沒有做出即時回應，不是因為想逃避，而是我希望真的用心去思考/對待。謝謝你們的諒解。」
Sadelle上載嘅相圖文並茂咁講自己喺當地旅行，仲加曬hashtag
（左為Sadelle偷圖，右為原圖）
是次偷圖事件俾網民嘲笑同批評之餘，Sadelle多年來累積的人氣同形象亦一鋪清袋。
事件曝光後，唔少網民都唔明白Sadelle偷圖當自拍嘅心態，就算唔靠偷番嚟嘅靚相，賣樣賣身材都一樣吸引到粉絲，到底係為咗虛榮感，定抑或想刷存在感呢？網民紛紛留言批評恥笑「貪慕虛榮」、「虛擬人生」、「足不出戶，環遊世界」、「偷幾張爛鬼相扮到好識享受生活咁」、「係咪屋企好窮，住公屋又冇啖好食，所以要偷圖扮上等人，唔想俾人睇唔起？」等。
（上為Sadelle偷圖，下為原圖）
當Sadelle自知被網民踢爆後，瞬速將所有偷圖刪除，但佢仍然未肯誠心承認自己犯嘅錯誤，仲話自己只係失魂犯錯，偷圖係想隔一隔版面，大家覺得做法唔啱所以Del相。網民覺得Sadelle唔係真心認錯，所以更加憤怒咁將早已備份嘅證據繼續瘋傳。
Sadelle發文道歉過後，大部分網民都表示諒解，並紛紛留言表示支持，大讚她勇於承認錯誤，勇氣可加！可惜有少部份網民仍然針對偷圖一事抨擊佢嘅人格。點都好，呢件事總算告一段落，希望Sadelle可以經一事長一智，好好振作，重新洗牌出發啦！
圖片來源：互聯網、楊舒婷@Instgram