樂隊Supper Moment成軍十二年終一圓夢想，將於11月舉行首個紅館騷。早前為新作《橙海》特別版MV，更與多名特奧運動員比試籃球和地板曲棍球（特奧獨有項目），鏡頭前大汗疊細汗玩得投入，四子鏡頭後亦跟一班特奧運動員打成一片，不時請教對方地板曲棍球的秘訣。
初次試玩地板曲棍球的Supper Moment，膽粗粗挑戰特奧運動員，任憑四人如何落力，最終仍是難逃大敗，Supper Moment直言輸得心服口服，還自嘲說：「個天安排得好啱，我哋都係做番音樂好了！佢哋（特奧運動員）實在太犀利，有好多戰術，好有默契，一個眼神就知道點走位，我哋都有嘗試努力爭取入球，但真係好困難，可能我哋天分都放喺音樂上。」
不過，Supper Moment強調贏輸並非重要，最緊要是享受過程：「其實我哋自己都有隊籃球隊打比賽，戰績係兩勝，七、八場負，但我哋都冇唔開心。」