宮廷劇曾經被唔少觀眾唾棄，批評情節沉悶，鬥來鬥去，但事實證明宮廷鬥爭劇絕對係收視保證！例如近期播出大結局的《深宮計》結局篇平均收視31點，有如此佳績，無綫電視當然絕不手軟，今晚《延禧攻略》將會緊接《BB來了》播出。此劇將有佘詩曼的演出嫻妃（繼位皇后）一角，雖然阿佘唔係第一女主角，不過好多人都表示為咗阿佘而睇，而且今次更是她首次演出奸妃角色，絕對是收視的保證！
大家都知道佘詩曼向來係收視保證，演技出色獲觀眾肯定，無論古裝劇定時裝劇，演咩角色都絕對難唔到佢。睇番佢過往演過無綫多部經典古裝劇都係正面角色，包括《雪山飛狐》飾演出塵脫俗，溫柔婉若，明辨是非既苗若蘭；《宮心計》飾演溫柔賢德、擇善固執、堅毅不屈既劉三好；《金枝慾孽》飾演冷靜機智、重情守諾、為達目的會心狠手辣既董佳爾淳；《公主嫁到》裡面驕橫固執、敢作敢為、足智多謀既昭陽公主。
演過咁多次正義角色，又有一段時間無演古裝劇，阿佘今次演奸妃無疑是一個新挑戰。阿佘早前接愛傳彙訪問時亦表示自己之前整親條頸，所以唔可以負荷太重嘅頭飾，所以推了不少古裝劇工作。但《延禧攻略》的頭飾不太重，只是一個小燕尾，且未試過做奸角，所以也想在演藝生涯中奸一次，看看能否駕履奸妃，順道挑戰觀眾底線，看看他們會否因角色而討厭她。
圖片來源：互聯網、my TV SUPER
(www.mytvsuper.com)