恭喜晒！女藝人董敏莉（Monie）升級做媽媽喇！
日前係Monie嘅正日生日（26日），佢仲為自己準備咗份最好嘅生日禮物，就係開刀誕下愛情結晶品，重7.2磅嘅B囡Martha！對於兩母女同月同日生是不是巧合，Monie說：「我專登揀同自己生日開刀，方便一齊慶祝，點知囡囡同我同月同日同磅數出世，真係緣分安排！我哋一早幫囡囡改好名，中文名叫子子，英文叫Martha。成個過程都好順利，初時都會餵人奶，希望比到最好嘅營養BB。」
現代新手爸媽迎接新生命來臨，除咗要準備好生B應急包，仲要為奶粉錢苦惱。但Monie笑言BB未出世已經有吸金能力，「多謝晒一班sponsor，估唔到阿B嘅贊助物品俾我仲多，真係慳唔少洗費，等我試好邊隻產品，再慢慢介紹俾朋友。」而問到第時會唔會俾囡囡同佢以母女檔姿態拍廣告吸金，她笑着說：「咁長遠梗係未諗啦，如果阿女好似我咁靚，爸爸又準許的話，都唔介意佢入行嘅。」