零死角藝人謝霆鋒除咗向歌、影、視三方面發展，近年還開始鑽研廚藝，化身Chef Lemon，仲不時post相喺社交網同粉絲們開心share！繼之前大方上傳同囝囝合照，日前霆鋒上傳咗佢同吳彥祖喺希臘影嘅合照，亦追加埋20年前後對比圖。小編睇見兩位男神嘅外表完全凍齡，仲比當年多咗幾分男人味，真係型到爆！
霆鋒上傳完20年前後對比合照冇耐，吳彥祖亦同大家分享二人合拍照，佢仲係張相留言話想同霆鋒拍《特警新人類》續集，「我來希臘三天是因為要做謝霆鋒烹飪、旅遊節目的嘉賓。記得我們第一次見面是在電影《新古惑仔之少年激鬥篇》，當時我們還很年輕，他17歲，我23歲。後來我們又在《特警新人類》上合作，幾年後再次在《新警察故事》中合作。距離我們第一次見面原來已經21年，我們在希臘重聚，不只談論食物和建築，還談到從男孩到男人的演變，如果將我們的生活故事，融入到電影和工作之中是非常好的，我們也是時候製作新的《特警新人類》嗎？」
網民睇完兩位男神嘅靚相表示呢個係「不老傳說」，好羨慕佢哋完全冇老過。另外，大家都好期待兩大男神再次同框演出，但打鐵要趁熱，不如快啲開拍《特警新人類》續集啦！
圖片來源：謝霆鋒@Facebook、吳彥祖@Instagram