內地選秀節目《創造101》已進入白熱化階段，而唯一一位香港出戰代表「小背心」許靖韻（Angela）亦有幸晉身最後22強，可惜與勝出比賽組成11人偶像女團的機會緣慳一面。落選之後，她仍然沒有放棄自己的音樂事業，還鼓勵自己落台之後便是新的開始，會繼續為音樂而努力。
雖然小背心喺總決賽中被淘汰出局，但佢仍然喺社交網站上留言鼓勵自己，「今天之後才是新的開始，我會繼續寫歌，唱歌，做好音樂。」而她揚言《創造101》只係佢音樂路上其中一個踏腳石。小背心早於2013年出道，她推出過不少單曲，當中包括：冠軍歌《下個他》、《不如告白》、《仍未心死》等，但一直未出現大熱作品，故知名度不高。去年她以「小背心」稱號，開始以蒙面小背心造型喺網上自彈自唱cover歌，短短時間便累積咗大量粉絲，並於去年底在九展開左首次個人音樂會。
今次佢參加全城關注既節目《創造101》，知名度大升之餘，仲贏得好多網民觀眾嘅認識同支持，連同門天后容祖兒、李克勤，任達華、惠英紅、陳偉霆同泳兒都有為佢拍片打氣。其實Angela喺比賽訓練期間，表現都一直比組練習生突出，聲樂堂評價小背心不論鋼琴彈奏、歌曲旋律同音準都恰到好處，歌唱方面挑戰高難度歌曲都游刃有餘。擔任聲樂老師嘅Ella亦向小背心點名讚不絕口：「她在前幾集的表現，一直在做她不擅長的事情，所以排名較尾。其實許靖韻讓我覺得在唱歌上面很穩！」
Angela喺自我介紹環節，曾經講過因為跳舞很差，所以想藉《創造101》訓練舞技。Angela在舞蹈練習過程中，經常跟不上舞蹈節奏，就連隊員都形容自己「亂七八糟、群魔亂舞」，結果到第二集，Angela因為跳舞失分而被降班，但佢無因此而放棄，反而落咗更多苦功同心機，所以第三集嘅唱跳部份，跳舞方面比上集明顯進步咗好多，難怪網友都留言「舞蹈也進步很大了。」、「舞蹈進步超多，超讚的！唱歌實力就不用說了！」、「小姐姐進步很快，期待接下來的表演。」大讚Angela跳舞大躍進，網民仲不停為Angela打氣加油。
最後，其實《創造101》舞台只是她音樂路上的一小部分，小背心要加油啊！為香港樂迷唱更多好歌！
圖片來源：騰訊視頻、YouTube、互聯網
影片來源：騰訊視頻