電影《毒舌大狀》上映20日，票房達8200萬，創下最快成為香港史上港產片票房No.1紀錄！
黃子華表示好難相信，電影可以成為香港電影史上票房第1位，並說：「我睇過一個觀眾留言，佢嚇死我，佢話從來冇睇過港產片，佢去睇《毒舌大狀》，係香港人冇睇過港產片喎！都俾我哋吸引咗嚟睇，呢種深海魚，好難先引到佢上嚟，希望好多深海奇魚幫我哋入場睇吓，究竟呢部戲係唔係值得第1名，如果係嘅話部戲仲可以走得幾遠呢？當然已經攞咗第1名，好多謝觀眾，無論第1名可以維持到幾耐，時間唔重要，多謝大家俾經驗我哋。」
謝君豪就表示好開心電影成為有史以來最高票房的港產片，而且只是用了短短兩星期，不過他指自己仍有一個願望，就是希望再破紀錄，成為首套破億港產片！
廖子妤（Fish）指雖然自己的戲分在比例上較少，但仍收到不少網民留言話好奸又不太討好，但有發揮的空間，所以非常感謝觀眾的支持。她亦希望可以原班人馬再次合作，擦出更加多火花！至於飾演師爺的何啟華（阿Dee）說：「由Day 1接到劇本能夠同我偶像子華神演出已經覺得非常夢幻，再到上映後票房節節上升，除了夢幻之外已經沒有形容詞能夠形容我的心情，就像發了一場好滿足的夢一樣。」
