Advertisement

香港婚後事|連詩雅爆老公陪產檢先識喊 陳家樂變緊張大師攙扶老婆沖涼

本地
2024.05.03
撰文:孜卓芹
Shiga話家樂第一次為個小朋友落淚,係喺產檢嘅時候。
Shiga話家樂第一次為個小朋友落淚,係喺產檢嘅時候。

連詩雅(Shiga)挺6個月孕肚力撐好姊妹陳自瑤(Yoyo),作客對方與賴慰玲、黎諾懿與羅天宇主持的《香港婚後事》。結婚約半年便造人成功,Shiga坦言是在計劃之內,並謂到現在仍只有她和老公陳家樂知道BB性別,連老爺奶奶也不知道。談到得悉懷孕後心情,Shiga自爆由於當時激動過籠,破壞了原本安排好給家樂的驚喜:「佢放工返嚟打開門,我就喊到傻咗,嚇到佢…」

Shiga自爆因為忍唔住爆喊,而搞禍咗原先準備好俾老公嘅驚喜。
Shiga自爆因為忍唔住爆喊,而搞禍咗原先準備好俾老公嘅驚喜。

Shiga又透露當家樂得悉將做爸爸後,回了一個反應令她大感意外,並透露家樂直到產檢一刻才落下激動的淚水。Shiga續指家樂自始變成緊張大師,「就算今日嚟拍嘢,佢都會問:『咁你使唔使行山、安唔安全?』」Yoyo即忍不住在旁補充:「連去廁所都要攙扶㗎。」Shiga聞言更正:「沖涼!沖涼!」又謂即使處理家中狗仔大小便,家樂現在也變成「爭住做」,「我係覺得有啲感動,你會見到佢真係有個轉變、好似成長咗咁。」Shiga又分享了老公的「男女有別湊狗」大法,並笑言家樂將來一定是嚴父。

小時候目標是生四個小朋友的Shiga,坦言不害怕生小朋友會影響夫妻感情,阿賴及諾懿聞言即大撥冷水,並異口同聲指自己已有六年「冇好好咁瞓覺」。之後諾懿更訴說升呢爸爸後的各種可怕經歷:「我(老婆生)第一胎嗰時,我頭十日有幻聽,成日feel到有小朋友喊。」之後還指女人生得B多會甩頭髮,嚇到Shiga大叫「好驚」,Yoyo見狀邊抱住Shiga邊教訓諾懿。阿賴則忍淚自嘲兒子出世後慘變「大喊十」,除了第一次見到兒子時感動爆喊,兒子所有的「第一次」都能令她落淚收場,包括第一次將飯放入口,相當誇張。

諾懿愈講愈興奮嚇親Shiga。
諾懿愈講愈興奮嚇親Shiga。

當眾人談到婆媳關係時,Shiga竟向天宇說:「我唔係話你唔好,你俾我感覺有少少似媽寶!」天宇聞言雖然極力否認,卻因而慘成圍攻對象,遭諾懿及阿賴連環以各式各樣的情境題「盤問」;最終天宇因不小心說錯了一句,即遭Shiga指證:「咁即係媽寶!」全場隨即陷入爆笑狀態,天宇更叫激動的Shiga小心「動到胎氣」。

傾傾吓,個矛頭又好自然咁去咗天宇度。
傾傾吓,個矛頭又好自然咁去咗天宇度。
星級企業大獎2020 陳卓賢 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹