Advertisement

離婚後首度現身 轉賣股份傳避分身家 郭晉安:雙方都知道發生咩事

本地
2024.05.29
撰文:王崇穎攝影:Bradie

 

回復單身的郭晉安首度現身,在新劇《金式森林》中,與陳曉華發展「忘年戀」。
回復單身的郭晉安首度現身,在新劇《金式森林》中,與陳曉華發展「忘年戀」。
【今日睇咗未?】蕭亮驚傳年初多倫多家中離世 靚聲為TVB報幕曾被封「老薑攝石人」|離婚後首度現身 轉賣股份傳避分身家 郭晉安:雙方都知道發生咩事(29/05/2024)

郭晉安與歐倩怡(Cindy)在本月初突然於社交平台公布離婚消息,回復單身的郭晉安首度現身,出席TVB重頭劇《金式森林》的造型活動,劇中郭晉安飾演上市公司主席,將會與陳曉華玩「忘年戀」。

他被問到離婚後的心情時,他淡然說:「所有事都已經處理好晒,離婚原因都係我哋兩個之間嘅事,雙方面都需要有自己的進程,有兩方面的需要,係和平分開,所有嘢都傾好晒,Cindy同小朋友都會明白,暫時我係同小朋友一齊住,相處好開心,嚟緊八月我會陪大仔去英國準備開學,之後再返嚟照顧細囡,其實呢件事我已經無嘢,因為已經係兩年前發生嘅事,過咗去了,現在各自都生活得好好,(涉及第三者?)唔會有第三者涉及,所有流言都只係人哋去猜測,唔需要理會。」

 

安仔透露八月會陪大仔去英國準備開學
安仔透露八月會陪大仔去英國準備開學

另一方面,郭晉安與胞姐郭致因於1999年創立「草姬靈芝孢子」保健品及美容與護膚品,供應商草姬集團向港交所(388)近日遞上市申請,公司文件指郭晉安目前為非執行董事兼品牌大使,主要負責為集團市場營銷提供整體戰略建議,過往亦有出席新舖剪綵活動兼為產品拍廣告,惟每年總酬金僅64萬元。不過集團提出上市後,被揭安仔於2022年3月23號,分別以30萬元代價,轉讓草姬國際相當於已發行股份3成普通股予郭致因,同日又以15萬元代價,轉讓草姬國際另一子公司ZINO International 15萬股普通股予郭致因,而交易時間同安仔跟前妻歐倩怡兩年前分居時間相若,惹來離婚贍養費及避分身家的揣測,「呢方面早已經同Cindy溝通好,雙方都知道發生咩事,唔需要有任何嘅猜測,我哋兩個知道就可以,總之溝通得好好,一切都好和平,大家唔需要擔心,大家不如擔心我兩年無拍劇,會唔會緊張仲好。」

安仔對於被指避分身家一事,他表示與歐倩怡溝通好,雙方都知道發生甚麼事。
安仔對於被指避分身家一事,他表示與歐倩怡溝通好,雙方都知道發生甚麼事。

更多圖輯:

+4
星級企業大獎2020 姜濤 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹