Advertisement

粉絲應援舉行動物派對 炎明熹19歲生日連環驚喜

本地
2024.04.10
撰文:阿俊
正日生日在工作中度過,在Band房練歌時,演唱會音樂總監周錫漢與團隊為壽星慶生。
正日生日在工作中度過,在Band房練歌時,演唱會音樂總監周錫漢與團隊為壽星慶生。

炎明熹(Gigi)昨日(9日)度過19歲生日,亦即將在九展舉行三場個唱,所以生日正日在工作中度過,下午於Band房練歌時,演唱會音樂總監周錫漢捧着蛋糕為壽星慶生,林智樂送上金算盤,預祝她可以賺錢買到十層樓;晚上Gigi到排舞室練舞,舞蹈總監林文輝與舞蹈員亦準備了蛋糕,雖然生日都要開工,但壽星女並不介意,希望能有一個好狀態去迎接個唱。

四百多位粉絲舉行大型派對,提前為偶像慶生,有遊戲環節及表演。
四百多位粉絲舉行大型派對,提前為偶像慶生,有遊戲環節及表演。

另外,四百多位粉絲早於上周六(6日)舉行了大型派對,提前為偶像慶生,派對以動物為主題,大家裝扮成貓、狗,龜、蛇、兔、雞及蜜蜂等等,而壽星女則以公主打扮現身,與粉絲一起玩估盲盒遊戲。Gigi表示,小時候睇電視見過這個遊戲,已經好想玩,估不到在19歲生日會中,可以有得玩。

粉絲更安排了不少賀壽表演,又有動物catwalk比賽,由Gigi做評判。她覺得最暖心是見到大家一起為她表演,「今日天氣其實有啲熱同焗,見到佢哋為咗呢個生日會去扮動物、準備表演環節,非常暖心。平日係佢哋睇我表演,今日我喺台下睇返佢哋表演,感覺好神奇。」

Gigi當日與粉絲影完大合照後,突然感性地說:「首先想再一次多謝大家,因為每一位粉絲,都喺我每一個唔同階段去認識我,希望大家可以見證住我嘅成長,我會盡力地唔會辜負大家對我嘅期望,希望大家可以繼續陪住我、為我加油,做我最堅實嘅後援。一人難順百人意、百人難順一人心,但我都會盡力去做,希望大家可以俾多啲意見我,好多謝你哋寫俾我嘅信,我會睇,之後收埋,希望將來有多幾個月餅罐,俾我收埋呢啲信!」

 

更多圖輯:

 

星級企業大獎2020 聲夢傳奇 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹