Advertisement

臨時劫案|郭富城爆金句「講多謝」 任賢齊被林家棟亂摷嗌唔好

本地
2024.02.21
撰文:孜卓芹
城城「講多謝」和「Sorry」對白勁洗腦。
城城「講多謝」和「Sorry」對白勁洗腦。

由爾冬陞監製、麥啟光執導兼編劇、陳偉斌編劇,郭富城、林家棟、任賢齊及張可頤主演的賀歲電影《臨時劫案》,上映一星期多,口碑不俗,除故事笑中有淚,拋開天王包袱來個哨牙造型的城城,當中「講多謝」同「Sorry 」對白已成為潮語金句。

影片的導演兼編劇麥啟光,在杜琪峯多部電影包括《奪命金》、《毒戰》和《盲探》中擔任過執行導演,杜導亦已捧徒弟場,事後特別拍短片說:「啱啱睇咗麥啟光、阿斌(陳偉斌)、阿澄(萬芫澄),三個人搞嘅片,我覺得算係咁啦……要討論就好多地方嘅!但最少一樣嘢係,本年度香港賀歲片,我諗呢部算係最好睇。」

杜琪峯拍片讚好。
杜琪峯拍片讚好。

戲中飾演「笠水」的家棟與老死「冇用輝」小齊一場對手戲,劇情交代二人同被綑綁雙手雙腳,被困在的士又黑又擠迫的車尾廂中,二人咫尺距離,家棟仲要伸手猛摷小齊的褲袋尋找手機求救,小齊回想:「車廂好細,逼到大家嘅呼吸都感覺到,導演仲想有我哋有曖昧感,要我用口幫家棟撕走喺口嘅大力膠布,同家棟口水都交換到,佢隻手又亂摷,我忍唔住叫咗下唔好,拍完一晚感覺全身都散晒。」

家棟亂摷小齊褲袋。
家棟亂摷小齊褲袋。
姜濤 陳卓賢 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹