Advertisement

方俊處男騷獲星洲歌后幫拖 盲人樂隊發揮才藝

本地
2024.04.09
撰文:孜卓芹
方俊跟視障嘉賓到band房綵排。
方俊跟視障嘉賓到band房綵排。

「靚聲王」張偉文愛徒方俊將於下周一(15日)在北角新光戲院舉行《燃亮愛演唱會》,其中一環節是與香港盲人輔導會轄下The Cheers樂隊合唱《We Can Overcome》。
日前方俊跟視障嘉賓到band房綵排,雖然視障嘉賓看不到,但每聽到方俊的聲音及親切握手搭膞頭舉動就歡喜若狂,大讚他有男神聲線,唱得很好聽,好期待當晚演出。
對於能成就一班視障人士發揮才藝,方俊覺得好有意義:「佢哋好似識到一位志同道合嘅新朋友咁好興奮,我答應喺演唱會後,買蛋撻去協會探訪,大家傾吓偈,唱吓歌,佢哋好需要關愛。」

大家都好期待當晚演出。
大家都好期待當晚演出。

方俊一直為新加坡歌后麗莎做義務經理人,大家感情要好,今次方俊個唱,麗莎亦會以神秘嘉賓身份幫拖;麗莎在港開騷,方俊亦做表演嘉賓,兩人互相幫助。
另外,目前方俊為演唱會綵排得如火如荼,表演嘉賓方麗盈及王美蘭日前排練後,「屈」方俊請食大餐,麗盈笑說:「要魚翅撈飯,鮑魚洗面!」美蘭就唔蝕底要求食花膠!難得請到兩位「姐姐」幫手,方俊賣口乖說:「得得得!請食花膠冇問題,鮑魚就揀啲大到可以抹車嘅。」

星洲歌后麗莎會以神秘嘉賓身份幫拖。
星洲歌后麗莎會以神秘嘉賓身份幫拖。
MIRROR 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹