Advertisement

新聞女王|車婉婉霸氣回歸兼「嚟料」 讚阿佘好戲非常享受合作過程

本地
2023.12.14
撰文:孜卓芹
華姐同Man姐嘅眼神交鋒,各有各霸氣。
華姐同Man姐嘅眼神交鋒,各有各霸氣。

台慶劇《新聞女王》昨(13日)晚焦點落在車婉婉客串飾演的SNK News前台柱主播華姐身上。以勝利者姿態回歸的華姐,一出場即霸氣盡現;之後華姐與Man姐正式交鋒,二人先以凌厲眼神及饒有深意笑容過招,等到正式開會時華姐才真正「嚟料」:「佢哋(觀眾)要乜我哋就俾乜咩?做雞呀依家?我哋係新聞工作者我哋負責帶領觀眾、教育觀眾嘅。」當華姐說到「做雞呀依家」,一直在旁食花生的飛爺(鄧智堅飾)及佐治(馬國明飾)即時九秒九對望再忍笑,飛爺更笑到要大力抿嘴唇死忍。

 

華姐係咁啄住Man姐。
華姐係咁啄住Man姐。

昨晚一出場即贏盡好評,婉婉感激大家支持及欣賞,她笑言沒有刻意為角色經營氣場,只是順着感覺及監製佳導指示去演;談到與阿佘合作,婉婉坦言過程非常享受:「阿佘好戲呀,一路都好期待同佢合作,雖然今次同佢唔係合作好多場戲,但每一場都好濃郁,所以我每一日開工都好期待。同阿佘演戲過程非常享受,因為大家之間交流得好好,真係好開心好開心。所以今次演出雖然唔係好多集數,但好難忘。」

被華姐窒住晒嘅Man姐。
被華姐窒住晒嘅Man姐。

由於角色太過時,華姐與必須與時並進的新聞部顯得格格不入,不但不會用腳踏提詞機,就連開聲大法也「懷舊」過人,淪為同事笑柄。該幕奇異開聲大法,原來是婉婉的「神來之筆」,她說:「係我自己加落去,因為我臨場覺得咁樣加應該會幾好睇,反正嗰場戲都係話我個角色過時,加呢啲小動作可能令角色再豐富啲。」婉婉又笑言Man姐那句「以為自己開Concert」,也是相應她的設計加進對白中。婉婉說:「其實場戲係分開拍,我拍咗先,佢哋睇住我拍咗乜再相應回應番。」談到戰地記者造型獲讚神似,婉婉笑言全靠拍攝當日太陽猛烈及夠大風:「我覺得上天有幫我,拍嗰日好曬,曬到我對眼擘唔大,咁啱好襯番科威特嘅畫面。」

姜濤 MIRROR 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹