馮盈盈穿着低胸連身裙，自言做足防走光措施。馮盈盈今日以一條低胸連身裙，打扮性感出席《不一樣的膚喊》時裝設計比賽，她表示已做足安全措施，「當然做足安全措施，所以唔擔心走光，條裙天藍嘅顏色好吸引，有種藍天白雲，開心及希望感覺，呼應返今日嘅主題，即使身體上出現問題，都需要有個積極的態度去面對。」
問到如何舒壓？「因為好多病都因為壓力而生，繼而影響免疫系統，我會跑步做運動去減壓，出一身汗後，成個人會開心返，因為有時候好忙，唔夠瞓會皮膚敏感，但又繼續工作，好似惡性循環，會唔開心，有時候真係要放輕鬆面對，因為心情愈差，皮膚就愈差，係一種惡性循環。」
盈盈讀大學時副修心靈輔導，希望有機會拍片分享心得。馮盈盈大學時主修營養，副修心靈輔導，她希望有機會拍片分享心得，學以致用，「我一直都有進修一些網上心靈健康課程，始終情緒健康很重要，自己都想幫到人幫到自己，所以嚟緊都想拍下片擺上網，希望分享一下，幫到有需要嘅人士。」
更多現場圖輯：
