張家輝執導及主演新作《贖夢》，於昨晚（30日）在意大利烏甸尼遠東電影節舉行世界首映。家輝官仔骨骨盛裝出席首映，抵達放映場地大劇院時，就獲得影迷們夾道歡迎，當中有不少是內地影迷，專程赴烏甸尼支持，心情相當雀躍的家輝就即場跟他們交流，又先跟影迷們合照。
對於作品首次公映，並跟世界各地影迷見面，家輝直言冇特別緊張：「因為我冇乜野心，今次烏甸尼邀請我作為一個競賽電影，其實都係人哋俾面，人哋俾面我咪接咗人個面，自己野心唔係真係好大，當然如果能夠推廣到部電影，令大家多啲人知道呢部電影而有興趣入去支持，呢個係我最大嘅心願。」家輝又發揮搞笑本色說：「我作為導演帶住《贖夢》嚟到意大利，進行一個世界性嘅首映，咁…個意思咪就係大利囉，因為意大利吖嘛，總之希望大家睇得開心。」
放映前家輝先上台以英文答謝觀眾，感恩獲電影節邀請舉行世界首映，並分享開拍《贖夢》的原因。家輝指一直都非常欣賞七、八十年代的香港電影，當中就有不少都是驚慄片題材，希望透過自己作品，向全世界觀眾證明，香港都能夠生產出驚悚類型電影。
放映完畢後，在場觀眾拍掌長達兩分鐘，令家輝非常感動，他亦隨即起身雙掌合十，向全場觀眾鞠躬致謝。隨後超過半百影迷走到劇院大堂，圍住家輝要求簽名及合照，場面相當墟冚，家輝亦有求必應，足足逗留現場近半小時去滿足大家。
