張學潤燒炭自殺亡 關寶慧淚崩：佢做嘢好似收唔到錢

張學潤燒炭自殺亡關寶慧淚崩：佢做嘢好似收唔到錢

本地

2023.05.19

關寶慧驚聞NelNel噩耗後傷心痛哭。

著名形象指導張學潤(NelNel)今日黃昏時突然傳出死訊，他的多位好友均十分傷心，其中肥媽(Maira Cordero)指NelNel疑因財困燒炭自殺。
好友關寶慧接受《明周》記者訪問時，難忍傷心痛哭。表示身在香港，於傍晚時份接到朋友短訊通知噩耗。不時與NelNel聯絡的她不知為何會發生這樣的事，之前對方未有傾訴有任何問題，故非常突然。她說：

寶慧跟NelNel相識30多年。

「我有少少知道佢做嘢嘅公司成日爭佢錢，我聽聞應該係咁樣。」寶慧稱完全不知公司欠NelNel多少錢，也從未聽聞對方經濟上出現困難。
問到月前跟NelNel聯絡時有否察覺對方不開心？寶慧說：「完全冇，不過佢把聲係Down咗啲，因為大家喺唔同嘅地方，所以佢冇呀。」寶慧續說好想上深圳看能否幫忙，但她不是親屬不知可怎做，她會聯絡家屬看有否需要幫手。

對於事出突然，寶慧難以控制心情，隔着電話也感受到她淚崩，她哭着說：「好傷心呀，真係好傷心呀！我哋識咗30幾年，我第一部電影，係李修賢嘅電影，佢做服指，因為佢對人好好，然後一路玩，我唔記得啦，太耐歷史啦，總之就一齊玩，有啲咩就叫我，佢對我好好，其實佢對所有人都好好㗎……」說到此寶慧已哭得說不下去。
前兩天（16），張學潤還跟陸詩韻在社交平台做直播，所以她聽到消息後簡直唔相信，她說做直播期間NelNel跟平時沒兩樣，「大家窒來窒去，你一句我一句，佢當時真係冇乜嘢！真係冇諗到！」