由張兆輝、胡杏兒領銜主演的賭權爭霸題材電影《困獸》，昨晚（20日）舉行首映禮，張兆輝透露今次是首次與杏兒合作，更在戲中飾演夫妻，大讚對方專業。張兆輝於戲中飾演黑幫大佬，他指自己甚少做江湖角色，今次動作戲好多機會親自上陣，他說：「今次動作戲多，ending也花了7、8日時間，開槍、飛車、打戲、落雨戲，些少受傷，碰碰跌跌實會有。」
杏兒表示今次角色柔情似水，周旋於幾個火爆男人之間，除了被異性圍繞，更是游走在危險邊緣。經過首次與張兆輝合作，她表示感覺奇妙：「我冇見過咁嘅輝哥，我算係黑幫嫂，少許卧底的感覺，有一場動作場面，算係好簡單。」
杏兒又透露剛與老公到日本慶祝44歲生日，她表示今次去了6日，沒有帶小朋友，因為要與老公過二人世界，問她是否怕小朋友阻住造人？她即笑住否認：「我哋每年都有二人世界，老公送咗個旅程俾我做生日禮物，今次都係去食嘢，返嚟肥咗8磅。」