Advertisement

孖黎耀祥談情 59歲龔慈恩:年紀大都可以好sweet

本地
2022.12.01
撰文:王崇頴攝影:Eddie Wong
龔慈恩大讚祥哥完全帶她入戲。
龔慈恩大讚祥哥完全帶她入戲。

龔慈恩、蔣祖曼、朱敏瀚、朱晨麗、歐瑞偉、韋家雄、楊卓娜、王綺琴和寶珮如等人,今日(1日)出席《輕•功》之「再飛一次」宣傳活動,工作人員安排楊卓娜玩空中瑜伽助興,而朱晨麗亦不甘示弱,即場表演空中一字馬,令眾人拍爛手掌。劇中龔慈恩與黎耀祥飾演夫婦,她大讚祥哥完全帶她入戲,「好開心,佢係一位好好演員,我哋演拍拖情侶真係好享受,始終我哋嘅年紀演感情戲都會怕羞,但祥哥俾咗好多鼓勵我,叫我放膽演,年紀大都可以好sweet,原來人與人之間嘅感情係可以無限,唔需要太多隔膜,可以好溫馨及體貼,令我很舒服去演,反而太親熱嘅場面就無,留返俾後生,甚至叫我睇下佢太太,睇佢幾嬌俏。」

朱晨麗大展空中瑜伽。
朱晨麗大展空中瑜伽。

囡囡林愷鈴於ViuTV演出的劇集《繩角》演技受讚賞,問到她怎樣支持囡囡,「大家平時都會一齊睇劇本、睇戲,會去傾,但我好難變回佢哋嘅年紀去同佢傾,所以大家主要係傾基本嘢。」

黎耀祥雖然今日未能出席宣傳活動,但工作人員特別安排視像對話,祥哥說:「現在我在杭州工作,返唔到嚟宣傳,麻煩晒大家幫手落力宣傳,劇中我飾演一位武師,同龔姐演夫婦,但佢會離開我,而我要適應無伴侶生活,學識放輕人生,同龔姐合作當然開心,佢好有氣質,同角色好吻合,佢飾演一位好靚嘅超級巨星,後來委屈嫁俾我,劇中大家磨合得好快就已經有默契。」

龔慈恩感激祥仔嘅鼓勵,令佢可以放開去演繹出兩夫婦恩愛嘅一面。
龔慈恩感激祥仔嘅鼓勵,令佢可以放開去演繹出兩夫婦恩愛嘅一面。
MIRROR 聲夢傳奇 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹