Advertisement

婚後老公支持事業 黃智雯即將約滿未落實續約

本地
2023.10.17
撰文:王崇頴攝影:Andy
黃智雯宣布結婚後首次露面的她心情靚爆。
黃智雯宣布結婚後首次露面的她心情靚爆。

黃智雯今日為無綫新劇《香港奇案》進行外景拍攝,月初突然與珠寶集團高層男友詹文天(Anthony)宣布結婚後,首次露面的她心情靚爆,問到結婚一事,「剛從英國返嚟幾日,今次我們去咗兩星期,其實唔係度蜜月,因為呢個旅行係一早安排好,其實每次去旅行我都當係度蜜月。(突然閃婚?)都唔算突然,因為年頭已經喺紐西蘭完成註冊,但只有我哋兩個去,之後回來同屋企及朋友食飯,處理好再同大家去分享。」至於註冊時可有感動?「好感動呀!但拍戲就只係拍戲,無諗過真正發生係會感動,但詳情細節就唔講咁多,留返俾我哋自己。」她表示暫時未能享受二人世界,因要完成手頭工作,又要為年尾胡說八道會演唱會練舞。

對於即將約滿無綫,她表示仍在商討中,但老公十分支持自己繼續工作,「合約仲有,份約仲有幾耐就唔講喇,但所有嘢一直傾緊,有新動向會同大家講。老公知我事業心重,鍾意做嘢,旅行時我都會都同佢講有關工作嘅事,所以我唔會放棄或減少演出,不過身邊就多一份力量支持自己。」

黃智雯直言不會放棄或減少演出。
黃智雯直言不會放棄或減少演出。

 

星級企業大獎2020 MIRROR 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹