Advertisement

太太仔女現身發布會 譚輝智預告演唱會有跳舞環節

本地
2024.05.15
撰文:王崇穎攝影:Andy
譚輝智為個唱舉行記者會,太太及子女撐場。
譚輝智為個唱舉行記者會,太太及子女撐場。
【今日睇咗未?】冼靖峰26歲生日一大早開工 《神耆小子》露點NG片贈慶|太太仔女現身發布會 譚輝智預告演唱會有跳舞環節(15/05/2024)

譚輝智將於今個月26日於九展舉行首個演唱會,今日(15 日)舉行發布會吸引過百粉絲到場支持,當然他的父母,太太及一對仔女都現身撐場,他表示當收到開騷消息一刻嚇到面青青,「心情當然好興奮,記得當刻我人在泰國最後一日收到電話,我仲以為係打錯電話搵錯人,我仲反問對方,我開演唱會?當時我同太太食緊飯,太太都望住我,覺得我塊面青晒,因為我真係唔敢相信,自己都覺得太快喇,唔知自己得唔得,但因為剛參加完比賽又完成《中年好聲音2》演唱會,都怕應付唔到,但機會到來,唔可以錯過,至少參加完比賽令我會大膽去嘗試。」

輝智透露個唱會有跳舞環節
輝智透露個唱會有跳舞環節

今次演唱會海報更P圖變一身肌肉,問他會否擔心一除衫就觸犯商品說明條例?他即笑言,「我影海報時係有,不過𠵱家無晒啫!不過𠵱家都努力練緊,不過集中喺一嚿。」至於當晚會否除衫騷肌,「好多人都問會唔會擁有呢個身材,當然到時先知,但近排我都努力做運動,游水及跑步,除咗減壓又可以練氣,依家練到集中一嚿,但我又覺得張海報嘅身形太大隻,睇完都問自己有冇可能?不過演唱會就一定會有跳舞環節。」由於爸爸同樣愛唱歌,會否邀請做嘉賓?他表示都要問對方意願,暫時未知。

更多現場圖輯:

 

星級企業大獎2020 MIRROR 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹