Advertisement

回家|謝君豪回味睇秋官《倚天》 森美分享「籮柚夾雞尾包」

本地
2022.12.27
撰文:孜卓芹
金馬影帝謝君豪為節目打頭陣。
金馬影帝謝君豪為節目打頭陣。

無綫新節目一連十集的《回家》,由林二汶錄旁白,逢周四及周五晚上十點半播出。節目每集請來不同的演藝界嘉賓或名人,以單元故事形式介紹全港各區特色文化之餘,更會深入嘉賓們的成長的公共屋邨及周邊地區,與觀眾共同回味充滿人情味的「屋邨生活史」。本周首兩集嘉賓分別為謝君豪森美,其他集數嘉賓還有視帝黎耀祥、吳業坤、黎諾懿、韋家輝與韋家雄兩兄弟及黃智賢等。

「時間真係過得好快,我之前喺度住嘅時候好似都唔係好耐咋嘛!」第一集嘉賓謝君豪在彩虹邨長大,已有接近二十年未有踏足成長地,無論大小事均感到新鮮,皆因很多角落均已和回憶中有很大落差,但依然無損君豪話當年興緻,除挑戰年齡限制大玩童年強項「消防員式」瀡落後樓梯外,又在製作組幫忙下重返與昔日舊居類似間格的單位。望着不算闊落的單位,君豪感嘆:「呢度當年係天堂嚟,當你由劏房搬嚟呢度,又有自己廁所、廚房,仲唔係天堂係咩?」

「消防員式」瀡落後樓梯。
「消防員式」瀡落後樓梯。

君豪仲繪形繪聲憶述當年家家戶戶等睇熱播劇的搞笑場面:「我記得嗰時全條巷都睇緊《倚天屠龍記》,頭幾集都係秋官(鄭少秋)童年,終於等到張無忌長大變秋官喇,喺佢個頭出緊煙時,突然出roller(該集播完),全條巷即時大叫『有冇搞錯』, 嗰時睇電視係有呢個氣氛。」君豪還走訪了當年經常流連的錶舖、士多、麵包舖及茶餐廳等,當中最搞笑的是君豪竟在老式錶舖,與童年夢寐以求的卡通錶「重逢」,讓君豪童心大爆發。

森美拎住麵包。
森美拎住麵包。

「以前喺東村食意大利粉已經覺得快樂,依家你要去意大利先覺得快樂」、「最好味唔係雪條,而係呢度嘅人情味」。第二集嘉賓森美在葵盛西邨長大,笑稱成條邨都係「自己屋企」,去到屋邨每一處均能撞到老友。森美除了大談頑皮史外,更搞笑地分享了獨特的「籮柚夾雞尾包」食法,搞笑的他大街大巷拿着新鮮出爐的雞尾包起勢坐扁,令現場街坊笑爆。

來個「籮柚夾包」。
來個「籮柚夾包」。
MIRROR 星級企業大獎2020 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹