Advertisement

吳若希公審老公接送女員工 「趷起條尾已經知你會做咩」

本地
2024.07.09
撰文:孜卓芹
吳若希7年婚姻似出現危機。
吳若希7年婚姻似出現危機。
【今日睇咗未?】姚焯菲主唱《愛.回家》新主題曲 炎明熹疑「解凍」曬開工照|吳若希公審老公接送女員工 「趷起條尾已經知你會做咩」(09/07/2024)

吳若希(Jinny)與老公何兆鴻(Alex)結婚7年並育有一對子女,經常在社交網公審老公的Jinny曾表示,因為自己教不到,所以交由外面的人教。今日(9日)她連發4帖,不滿老公對女員工管接管送,其中與老公的對話短訊截圖,包括粗口在內,就知她有多生氣。

希望事件跟過往一樣吵鬧完沒事。
希望事件跟過往一樣吵鬧完沒事。

Jinny在短訊截圖說:「好XSweet呀~仲可以同人一齊搭地鐵返工」,Alex隨即解釋:「我要佢簽MPF」,Jinny再說:「真係好大嘅原因呀~叫佢簽MPF,就要車人返工,又要陪人搭地鐵」、「好XSweet啊」、「你唔好俾人影X到啊~」Alex:「其實我真係已經好多野(嘢)煩,我唔明點解我咁樣我都要比(俾)人鬧,我唔同你講鬧我都正常,我真係做野(嘢),我之前幾年做垃圾做唔到野(嘢)又鬧,我而家做正經野(嘢)都鬧。」

Jinny先貼與老公短訊截圖及事件因由。
Jinny先貼與老公短訊截圖及事件因由。

Jinny在截圖寫上事件的因由:「其實呢,女人呢係好敏感嘅,你趷起條尾,都已經知你會做咩㗎」、「今朝何生好積極咁,話要車同事返工,俾我話完之後,好有骨氣地講,連車都唔揸自己搭地鐵」、「我又唔知點解,突然間覺得佢應該係搭地鐵搵佢公司同事,我CHOK完佢第一句,佢又真係答我係WOR(喎)!」、「即係我自己都有公司,都有幫人哋供MPF,我依家先知原來MPF需要老闆親自攞文件俾員工簽」、 「男人呢~就好得意嘅,身有屎嗰陣呢,就會話自己已經好多嘢煩,怪番女人唔體諒佢」。

企硬的Jinny。
企硬的Jinny。

緊隨着Jinny又以黑底白字留言:「作為太太,要提就提左(咗)GA(㗎)LA(啦),佢選擇尊重你,定係選擇無視你,係佢嘅決定。有啲人會忍,有啲人會嘈,我呢,同呢個人相處咗八年,太清楚佢咁嘅回答係代表咩!所以呢講埋今次,之後大家喺條街度見到佢同第二條女一齊,唔好大驚小怪,因為佢都係做嘢嘅啫!」

作出警告。
作出警告。

嬲還嬲,跳舞堂繼續要上,上完堂的Jinny再發文,表示收到好多慰問和支持她的信息,「放心,我真係冇嬲~與其花時間喺呢啲位,我會選擇好好增值自己!做好一對仔女嘅榜樣」、「TOUCH WOOD真係要成就人一對眷侶嘅話,我起碼有能力養起一頭家,畢竟最愛既(嘅)都係一對仔女」。

Jinny表示要為養家作準備。
Jinny表示要為養家作準備。

看似平靜下來的Jinny,未幾貼出跟老公的MPF經紀短訊截圖,當中Jinny問到:「係咪需要Alex親自去搵個員工簽返名今日之內要俾你?」Agent:「唔係呀,我同佢溝通咗,我聽日下午會去葵涌公司搵佢員工簽名呀」。Jinny在截圖分别附註:「頭先諗諗吓,唔應該誤會人個AGENT,可能人哋個AGENT已好努力」、「BTW,大家都唔好誤會何生,佢女同事喺啟德,我哋住何文田,又真係好近嘅,何生呢種反向思維,好忙但係唔想麻煩到個AGENT,要親自去搵女同事而唔係直接返公司等女同事返工都情有可原嘅。」

陳卓賢 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹