Advertisement

古淖文暑假舉行個人音樂會 譚輝智偕太太日本旅行減壓

本地
2024.06.18
撰文:王崇穎攝影:Samuel
方皓玟、曾比特、冼靖峰、黃洛妍、古淖文、譚輝智、李佳、龍婷、涂毓麟為慈善獻唱。
方皓玟、曾比特、冼靖峰、黃洛妍、古淖文、譚輝智、李佳、龍婷、涂毓麟為慈善獻唱。
古淖文透露即將有好消息公布
古淖文透露即將有好消息公布

曾比特、冼靖峰、方皓玟、李佳、龍婷、潘靜文、黃洛妍、譚輝智、古淖文等今日(18日)出席《明愛暖萬心》記者會,身為《中二》冠軍的古淖文對於譚輝智早過自己開音樂會,完全不介意,尊重公司安排,古淖文透露即將舉行個人音樂會,「無得計,大家會覺得點解譚輝智會開先,唔係應該冠軍開先咩?公司覺得邊個適合開就會安排,所以唔代表其他人無機會,而我嚟緊都有好消息話俾大家知,但暫時唔講得住,都要尊重主辦單位,總之搞掂晒再正式公布,可以講嘅係屬於自己嘅音樂會,重係好快會開,喺暑假期間,自己收到消息當然好興奮,始終係屬於自己個人音樂會,暫時一場,但都要睇歌迷反應。」

譚輝智剛與太太由日本旅行回港
譚輝智剛與太太由日本旅行回港

另外,譚輝智早前完成音樂會後,即與太太飛往日本旅行六日五夜,「上星期去咗日本旅行,因為比賽完之後又要舉行個人音樂會,大家都要減壓,(瘋狂shopping ?)好彩太太唔係亂使錢嘅人,大家只係周圍飲飲食食都已經好開心。」問到入行後收入是否可觀?「我收入唔係好多,有數得計,收入都交俾太太管,我嘅零用錢向來好彈性,太太都叫我努力繼續唱,因為她都可以一起參與。」

更多現場圖輯:

聲夢傳奇 星級企業大獎2020 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹