Advertisement

中年好聲音2|陳俞霏爆喊自認人生失敗 沈宗賢分手後不敢再愛被嘲戇居

本地
2023.12.29
撰文:孜卓芹
陳俞霏爆喊大嘆沒有家庭溫暖。
陳俞霏爆喊大嘆沒有家庭溫暖。

歌唱真人騷《中年好聲音2》周日除夕夜(31日)播出的「故事之歌」繼續淚水泛濫,以All Black造型亮相的陳俞霏獻唱《沒結果》,她坦言這首歌是她人生的寫照,她哭着說:「好細個爸爸就過咗身,媽咪一個人獨力湊大我,好多單親家庭嘅孩子都會明白,佢哋(父母)唔係好識愛,但佢會俾到好多物質上嘅嘢我,同埋選擇咗道路俾我行,其實講到底我都係想你接我返一次學,只係想一家人一齊食一餐飯,我咁多年嚟冇同屋企人過個一次生日,好多嘢都係批評之下度過,無論點做都冇用,所以我覺得人生係好失敗。」

陳俞霏獻唱《沒結果》。
陳俞霏獻唱《沒結果》。

人生閱歷豐富的肥媽聞言後語重心長說:「你覺得冇同屋企人食過一餐生日飯係好慘嘅事,你係錯嘅,你家人錫唔錫你佢永遠都係家人,同埋我哋嗰代讀得幾多書啫,其實你哋依家大個咗,應該知道我哋嗰代做嘢都好辛苦,我哋係用把口嚟教,我六年班都未畢業,點教我啲小朋友,咪日日鬧囉,但係出嚟都OK,我哋唔識教呀,唔代表我哋唔愛你,你知唔知呀?」

來自馬來西亞的沈宗賢獻唱《曲終人散》,他坦言上一段戀情對他傷害很深,「佢係我好喜歡嘅一個女仔,佢為咗我同屋企人嘈交甚至反面,我當時係以唱歌維生,收入唔穩定,依家諗番起係辜負佢好多,分手嗰刻係好絕望,佢要出埠做嘢,但我嗰時仲喺度考慮,唔想放棄音樂,到我掙扎咗成年之後,有一日夜晚,佢同我講不如分開啦,當時我已經辭咗職放棄唱歌,但佢話已經太遲,叫我唔使放棄、繼續追尋我嘅夢想。」感性的宗賢獻唱前先來一個獨白:「可能這輩子我們注定只可做朋友,是我沒用,去找你的幸福吧。」唱到尾聲更忍不住爆喊。婉婉踢爆宗賢分手後未有再拍拖,伍仲衡笑指對方「戇居」,張佳添更笑言:「我真係無言,成個森林喺出面,我單身咗8年,但我永不孤單!」場面搞笑。

沈宗賢年輕時為咗音樂,錯失一段姻緣。
沈宗賢年輕時為咗音樂,錯失一段姻緣。
姜濤 陳卓賢 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹