Advertisement

下流上車族|孖鮑起靜大鬥戲  林敏驄被網民撐爭視帝

本地
2022.10.20
撰文:Rita
林敏驄這場戲跟鮑姐互鬥演技,網民都嗌精采。
林敏驄這場戲跟鮑姐互鬥演技,網民都嗌精采。

林敏驄昨晚(19日)在其主演的無綫台慶劇《下流上車族》一集中,與「金像獎影后」鮑起靜(鮑姐)大鬥演技,誰也搶不了誰的鋒頭。劇情講述車志明(林敏驄飾)踩上「老小三」毓霞(鮑起靜飾)屋企欲拿回亡父神主牌,之前已遭兒子「拋棄」的毓霞不甘仔又冇「老公」又被搶,對着志明怒吼:「我個仔要移民丟低我唔理,點知你仲衰,你連死人都要同我搶!」志明聞言即反擊:「你同你個仔啲嘢,唔好拉埋我落水。」並叫毓霞反思自己如何對待家人,又指住毓霞手上「定情信物」說:「我老竇同埋呢隻戒指,本來都係屬於我阿媽㗎!」

魨姐戲好是肯定。
魨姐戲好是肯定。

愈說愈激動的志明最後哽咽:「我淨係知你擺我老竇(位置)低過隻狗,你好唔想見到佢,我咪依家攞走佢,唔使你眼冤,得唔得吖?」最終毓霞被志明激動又真摯的情緒「擊倒」放棄「老公」,默默地執拾好亡父神主牌的志明,離開前語重心長向以刁蠻馳名的毓霞道:「有個問題我想答埋你,你話我間屋企細,擺唔落我老竇,我想話俾你聽,間屋企幾細唔係問題,最緊要一家人喺埋一齊。」發人深省的對白,配以巧妙的鏡頭及配樂,非常有感染力。

意外地平日冇嚟正經的林敏驄,演得太感人。
意外地平日冇嚟正經的林敏驄,演得太感人。

向來愛搞鬼的阿驄,今次戲路突變竟然零違和,而無論對白或舉手投足都充滿戲味,一點也不林敏驄,惹來網民一致好評:「明顯有好多對白係入晒戲,想喊嗰吓唔係扮出來」、「啲戲由內而外,唔造作好自然」、「呢場好好戲,有機會爭視帝!」

其實鮑姐前晚一集展現遭仔仔「拋棄」,發出悽酸的錄音solo戲,亦同樣因感人度高引起熱話,先是激動地指控阿仔,之後再以「淒慘」tone希望對兒子動之以情,「阿媽淨係得番你一個,咁你係咪都唔想要我喇……」這一句更說得一臉哀傷兼自憐,打動無數網民,亦立體地道出了欠缺關愛的獨居老人苦況,網民留言:「鮑姐呢段可以攞視后啦」、「好鬼滾動,睇到眼濕」。

鮑姐場場戲都能打動網民。
鮑姐場場戲都能打動網民。

是集另一焦點,要數到羅毓儀飾演的車蔓蔓爆喊戲。劇情講述她因違反候鳥保護法而被踢出校兼遭取消簽證,當然被媽媽雯慧(江美儀飾)鬧爆,蔓蔓爆喊道出孤身在他鄉的苦況。毓儀受訪時透露:「我都曾經去過外國讀書,一個人喺外地真係會好掛住屋企人,所以準備劇本時都有諗番起以前嘅事,令到情緒容易啲代入。」毓儀又爆驄哥百厭行徑:「拍嗰場戲嘅時候爹哋(驄哥)對住杯咖啡吹泡泡,好好笑,我見到嗰一下都有啲擔心喊唔出,不過好彩冇事!」

羅毓儀呢場爆喊戲都好搶Fo。
羅毓儀呢場爆喊戲都好搶Fo。
陳卓賢 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹