Advertisement

一個好人|林子善無限輪迴執垃圾感憤怒 親身體驗輪椅武術:超乎想像咁難

本地
2024.03.25
撰文:孜卓芹
子善跟住貓哥上山下海執垃圾。
子善跟住貓哥上山下海執垃圾。

無綫綜藝節目《一個好人》今晚(25日)播出林子善拜訪了成立執垃圾群組的冼力求(貓哥),和提供義務搬屋和轉贈傢俬服務的細傑。子善跟隨貓哥體驗上山下海執垃圾,分別去到防波堤、上山和撐船出海執垃圾,眼見垃圾無處不在兼執極都有,子善坦言:「啲垃圾係不斷無限輪迴,執完又有執完又有,一路執時我都會有啲憤怒(點解啲人會亂掉垃圾),我問貓哥感受係點?佢話:『唔係㗎子善,係好玩』。」貓哥更以樂觀心態面對:「冇諗過嬲,我都係人嚟,都會製造好多垃圾,但你適當咁處理咗咪得囉,唔好令垃圾去到大自然。依家我識行識走,如果我攰就做少啲囉,體能OK就繼續當做運動囉,呢個運動係好經濟,唔使俾月費,所以OK!」

另一個好人細傑2022年開始進行義務搬屋和轉贈傢俬工作,細傑出心出力不求回報默默幫助有需要的人,早前香港經歷了「世紀黑雨」侵襲,上水石湖新村慘成重災區,細傑即時將貨倉所有的傢俬贈送給村民,非常有心。子善問到有否遇過貪心人時,細傑坦言曾經有受贈者將傢俬轉賣,但他並未因而氣餒,他說:「冇諗過放棄,唔好諗人哋係咪呃你,做咗自己覺得啱嘅事先。」

子善跟住細傑送傢俬。
子善跟住細傑送傢俬。

明晚(26日)播出子善拜訪了創立輪椅武術的李安東李Sir和中醫師林家揚。李Sir分享創立輪椅武術的原因,「除咗希望幫助傷健人士建立自信,亦希望可以話俾大家聽將不可能變成可能!」子善在節目中坐上輪椅體驗輪椅武術,並坦言:「每一吓打都痛,完全係發唔到力,坐輪椅嘅朋友練呢個武術,係超乎想像咁難!」之後子善跟着李Sir兩位徒弟穎恩和嘉敏學習跆拳道,前者是亞伯氏症患者、後者則因故要坐輪椅,穎恩和嘉敏教得頭頭是道,子善事後大讚:「我手腳係比較唔靈活,但佢哋教得好好、好細心,唔會比一個正常教練輸蝕。」

子善體驗輪椅武術。
子善體驗輪椅武術。

之後子善跟着林醫師和一班小義工去到坪洲探訪老友記,子善問林醫師為何想到帶領小義工做義醫?林醫師說:「老友記好鍾意小朋友,見到小朋友就特別開心、興奮,又可以俾小朋友知道咩係愛同關懷。」對於林醫師的義舉,子善大讚:「林醫師嘅能量好大,但一個人未必足夠,好感恩有好多戰友幫佢。林醫師係一個好人,佢影響到好多小好人走咗出嚟!」 子善還會與一班老友記跳手杖舞,非常有愛。

子善教一班老友記跳手杖舞。
子善教一班老友記跳手杖舞。
星級企業大獎2020 MIRROR 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹