Advertisement

搣甩110磅 泳裝初體驗 細細粒︰有男仔唔該介紹下!│封面故事

亞洲
2024.02.23
撰文:劉家倫攝影:洪志富

肥嘟嘟一向是「細細粒」陳嘉佳的標記,體重高峰時期曾直迫300磅,去年4月細細粒宣布減肥,5個月內成功搣甩110磅。近日由內地回港,細細粒為本刊首度穿上泳裝示人,體重165磅、身形細了幾個碼,距離終極目標130磅好接近!加油呀,細細粒!

細細粒體重高峰時期曾直迫300磅,去年4月宣布減肥,5個月成功搣甩110磅。
細細粒體重高峰時期曾直迫300磅,去年4月宣布減肥,5個月成功搣甩110磅。

問細細粒的終極目標是多少磅?她很堅決說︰「60公斤!(132磅),仲有三十幾磅,一定要成功!」

細細粒體重高峰時期曾直迫300磅
細細粒體重高峰時期曾直迫300磅

向目標進發,達標之後,細細粒最想的,是行入內衣店,「我肥,並唔係由六、七歲開始肥,真係由細肥到大,我睇返六年班嗰本紀念冊,唔知點解要寫埋磅數,我嗰陣已經165磅,所以我細個啲衣服已經買唔到,係我媽咪用衣車幫我車出嚟;仲有一個秘密,我係從來未去過內衣店,未度過自己的size,好多女仔都知道自己係乜cup數,但我係唔知嘅,由細到大,我都係穿運動型內衣就算,我依家都唔會買住,因為我仲減緊,到真正減完之後,我就會去買。」

一手帶細細粒入行的祖藍,現在也開始為細細粒的感情着急。
一手帶細細粒入行的祖藍,現在也開始為細細粒的感情着急。

肥嘟嘟一向是細細粒的標誌,減肥之後,會否擔心失去獨特標誌?「我出道都十年,拍《老表》時是14年,我覺得大家會為我開心,雖然,大家以前認定了細細粒係肥嘟嘟好得意,咁肥都可以做到演員。其實之後愈來愈多人話我唔健康,今次減肥除了因為健康,我唔想早死過阿媽,生死我唔係好怕,但係唔好早死過佢!得我哋兩個,我哋又冇親戚、冇兄弟姊妹,唔想得媽咪一個人,好陰功。」

細細粒參與的直播業績受到認可,連佘詩曼都有現身與她合作。
細細粒參與的直播業績受到認可,連佘詩曼都有現身與她合作。

細細粒亦因為這次減肥大計,才發現自己的毅力,「毅力係最難,好多人都是三分鐘熱度,我都擔心,但原來有毅力,真係可以成功,包括我開始做直播的時候,講真,依家好多人都想做直播,但唔係個個都敢行出呢一步,因為唔係一定得。當日決心去做直播,都係用呢股毅力,頭四個月冇人識㗎,我一個人喺杭州匿埋喊,好失敗,冇扶持、冇流量,第四次開播都仲係得六十幾個人睇,賣得三千蚊,即係我可能只賺三十蚊!原來要做好多分析,當日祖藍一開播就有十萬人,我諗自己再差都有一、兩千人啩,一路望住個數都仲係六十人,心理質素好影響。我有問過祖藍,佢話幫唔到,要靠自己,原來做直播唔可以當成一場商演,要做好多research,唔係人哋俾乜你賣就賣,或者有流量的明星可以搵到快錢,長久冇可能,講到尾又係毅力!」問細細粒最好的成績,可以做到多少?「接近一千萬(業續),健康產品,依家大家都講究健康。」

去年十一月擔任阿Bob的演唱會嘉賓,細細粒再追問這位「金牌媒人」有冇男仔介紹?
去年十一月擔任阿Bob的演唱會嘉賓,細細粒再追問這位「金牌媒人」有冇男仔介紹?

搵到錢,細細粒亦開始買「磚頭」保值,「我將人生搵到的第一桶金來買樓,去年買了兩層樓,一層大灣區、一層香港送俾阿媽住,希望今年再買多層。媽咪辛苦了七十年,從來未有過屬於自己的一棟私樓,我都希望用自己能力送俾佢。依家淨係想搵多啲錢,因為我覺得自己呢一世,應該都係單身㗎喇,我都39歲了!真心,以前覺得冇拖拍,係因為我肥,我依家都叫做減咗,但仲係連一個普通男性朋友都識唔到,身邊唔係95(年)就00(年)!(仲係A0?)係呀,冇咪冇囉!」

母胎單身,連細細粒身邊好友都開始替她着緊。林盛斌(Bob)是圈中出名「金牌媒人」,曾幫張秀文、朱慧敏等找到好歸宿,今次連金牌媒人都出手,「祖藍又好、阿Bob又好,我都有話有男仔唔該介紹下,我啱啱喺佛山做完阿Bob演唱會,後台見到面,佢話我成日唔喺香港好難搞,唔係冇幫我搵,但真係冇乜反應,咁我惟有focus事業囉,我又過咗好想結婚階段,39歲人,突然好想發展事業,想從商,希望有日退休之後,可以喺唔同地方開連鎖營養會所,做健康教育,只要唔好蝕錢,幫到有需要的人就好。」

出名孝順的細細粒,每月都會返港跟媽咪食飯見面,去年還在香港置業送給母親大人。
出名孝順的細細粒,每月都會返港跟媽咪食飯見面,去年還在香港置業送給母親大人。

已經久未拍劇的細細粒,對上一次拍劇,已經是前年的《痞子殿下》,原來她已約滿離開了無綫,「同拍拖一樣,冇人搵,哈哈!我已經離開了TVB,好歡迎各方面搵我拍劇,我仲有戲癮,早知今次真係的起心肝減肥,我就拍套真人版《瘦身男女》,肥同瘦都自己演,不過錯過了,我唔會因為咁令自己肥返100磅㗎!」

 

場地︰露營生活@camplife_hk

 

木村光希 車銀優 朴寶劍
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹