Advertisement

《愛回家》本尊出演陳浚霆阿媽 顧紀筠:有人提議我覺得都ok

本地
2024.05.21
撰文:王崇穎攝影:Bradie
顧紀筠與黃永幟、蘇潔明、鄧達智擔任評判,顧老闆近日戲癮大發,有朋友提議她可以飾演《愛回家》陳浚霆的母親角色,顧老闆期待與兒子合作擦出火花。
顧紀筠與黃永幟、蘇潔明、鄧達智擔任評判,顧老闆近日戲癮大發,有朋友提議她可以飾演《愛回家》陳浚霆的母親角色,顧老闆期待與兒子合作擦出火花。

方力申、黃翠如、陳煒、梁競徽、黃永幟、顧紀筠、蘇潔明、鄧達智、譚以健、邵德龍今日(21日)錄影無綫節目《拍檔廚房》,擔任評判的顧紀筠,近年已淡出幕前養尊處休,今次出山全因曾志偉的邀請,「因為綜藝節目時間有限,最初志偉叫我時,我知道阿仔有份參加呢個比賽,我就同志偉講我唔可以做評判,最後好似阿仔個期唔得,志偉要乸唔要仔。今次對我嚟講都係突破,因為我平時都戒口,但今次因為要做評判,所以咩都要食,自己好耐無食生嘢同牛肉,依家都食返,如果唔係志偉打俾我,我都唔會做,其實當中我都俾咗好多意見志偉,覺得好多可以做,但大家都要商量,要找適當時候。」

仔仔陳浚霆有份參演處境劇《愛.回家之開心速遞》,令顧老闆戲癮大發,「平時睇《愛》時見阿仔演戲,忽然自己都想演一個角色,但希望可以遇到一個好劇本,而角色又從來都無演過嘅話,都可以考慮,以我現時狀態都ok,樣又唔係太離譜,都仲可以拍。其實原本有人提議我不如去演《愛》,做返阿仔阿媽,因為戲中佢阿媽都無出現過,我覺得都ok,自己都好期待同佢擦出火花。」

 

方力申、黃翠如、陳煒、梁競徽錄影無綫節目《拍檔廚房》,煒哥即將到內地開工,擔心丈夫無飯食。
方力申、黃翠如、陳煒、梁競徽錄影無綫節目《拍檔廚房》,煒哥即將到內地開工,擔心丈夫無飯食。

陳煒近排為開拍新劇積極操fit身型,「瘦咗差不多十幾磅,因為嚟緊開新劇,飾演時代女性,想以最佳狀態示人,著衫可以型啲,主要係靠做瘦身儀器及控制飲食,但近排比較難,因為要拍飲食節目,要試食,惟有正餐分量減少。」

即將返內地開工的煒哥,有機會與老公分開兩個月,令她十分擔心,「唔好講喇,都唔知點算,不過未發生,所以唔知老公會唔會有怨言,暫時未知可以上上落落,或長駐國內兩個月,但我擔心無人煮飯俾佢食,因為之前去咗中山十日拍旅遊節目,佢食咗好多日即食麵,因為老公好深閨,但又唔識煮食,近排我已經好努力咁教佢用洗衣機同焗爐,都要教識咗佢一啲家務事,係做老婆應該要做的。」

小方透露因有雜誌報導指他「秘媾陳曉華」,令女友葉萱不滿,女友最嬲是照片不夠靚。
小方透露因有雜誌報導指他「秘媾陳曉華」,令女友葉萱不滿,女友最嬲是照片不夠靚。

同場的方力申和黃翠如原來兩家人早已結緣,因妹妹正在小方弟弟的畫廊上班,原本並不知情,只是小方談到才知。而小方被雜誌報道「秘媾陳曉華」令女友葉萱不滿,他當然否認,並指自己以前單身無所謂,但現在有花邊新聞會被女友誤會「照肺」,而且該緋聞已是兩年前拍攝《美麗戰場》時的事,「突然又關我事?可能最近播《逆天奇案2》,當時我做過訪問,講自己好難識圈外人,因以前的事令我底很花,因為自認底花而令傳媒乘虛而入!」小方表示報道一出便第一時間向女友「自爆」,女友最嬲是照片不夠靚,問到會否公開兩人合照放閃,他表示有諗過,但感情事向來低調,故打消了念頭。

更多現場圖輯:

陳卓賢 星級企業大獎2020 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹