拍戲一向搏命的湯告魯斯（Tom Cruise）上周日在《職業特工隊》片場意外受傷，剛確認因傷勢嚴重而被迫停工四個月。年屆五十五歲的靚佬湯，多年來演出動作場面，都堅持親身上陣，做得就做。他正在倫敦拍攝其招牌系列《職業特工隊》（Mission : Impossible）第六集，當時靚佬湯要由一邊大廈屋頂飛到另一邊屋頂，據知這幕試了兩take都未成功，當身上綁着威也的靚佬湯再試跳時，卻因為起跳出錯，致大力撞上大廈外牆。出事後他面帶痛苦，立即被工作人員扶起，送返美國接受治療，被診斷足踝兩處骨折，至少休養四個月。電影被迫暫停拍攝，原定明年夏天上映的計劃，亦延遲至聖誕檔期，有傳片商因拍攝叫停而損失慘重，但點都好，最緊要生招牌靚佬湯無事！
■ 撰文：KASS／部分圖片：法新社