Advertisement
趙榮德.升學有道

趙榮德:用「朗讀神功」學好英文(中一適應策略1)

專欄
2021.05.08
29
撰文:趙榮德

2739chiu

很多家長重視中一面試策略,卻忽略從小六升上中一的適應準備。有一心水清的家長趁着五月這個「空檔期」,走來問我不應該忽視的「適應策略」。以下為本人和一新手家長的傾談內容,希望子女贏在中一起跑線的家長不宜錯過。

趙為本人   家為新手家長

家:小六生升上中一最重要的是否「時間管理」?

趙:表面上正確,但如果由名小學升上名中學有一樣比「時間管理」更重要的是搞好孩子的英文。

家:係喎,一般名小學都用中文教,上到全部科目都用英文教名中學就好似去到另一個國家咁!

趙:何止,簡直係去到另一個星球,試想,小朋友由CMI(用中文作教學語言),到EMI(用英文作教學語言)嘅感覺係點樣?佢哋既緊張、徬徨,因為佢都想學但聽唔明,又困擾、無奈,因為佢都想問又唔識講。如果其他同學都是這樣還可以有傾有講、互相傾訴,但如果其他同學都聽得明又問得到,咁佢就覺得自己矮了半截,進入了另一個星球,好似由地球人入到去火星咁!

家:咁似乎真係搞好孩子的英文重要過時間管理了。不過點樣搞好佢啲英文,使佢喺中一聽得明,問得到及與同學溝通得好?

趙:我分享一個真實個案。一個從名CMI小學學生,考到入我教EMI書院。佢話俾我聽,第一個星期來上課,簡直係呢一生人最淒涼、最驚怕時期,因為佢完全唔明白老師講每一堂書,佢好似個木頭人,了無生氣坐喺班房,但佢對我講:「我以前年年全班考第一,全級考十名以內,冇理由全班聽得懂,問得到而我做唔到!我要搵到方法搞好我啲英文!」喺我校第一個星期五,佢離開課室前,發覺有一份全班訂咗*(一)South China Morning Post(南華早報),留喺書架上冇人要,佢順手拿來逐頁揭,希望搵到一頁佢睇得明;「皇天不負有心人」,佢終於發現有一頁佢睇得明,嗰頁名為「Letters to the Editor」(讀者來函),佢大喜過望,坐在位上逐封信大聲讀,讀了大約半個鐘頭才停。讀完佢覺得有用,因此便開始了用這個朗讀神功課程,希望搞好佢「聽」同「講」這兩方面英文。佢堅持了一個月,開始聽得明老師講的內容,兩個月,佢開始夠膽講啲簡單的如May I ask a question?等的英文;這樣佢連綿不絕大聲朗誦咗半年,佢不但明白老師講的內容,連唔明白嗰部分佢都有膽量舉手發問了!

家:咁,可否透露佢嗰年喺你間學校成績?

趙:可以,佢中一全班第一,全級廿名之內,然後由中二至中三全班第一,而到中四,已經係全級第一了。

家:咁中五呢?

趙:喺中五*(二)HKCEE中學會考,佢係全港九優「狀元」!

家:勁!你介紹學好英文法不難喎!

趙:同意,難在堅持天天大聲朗讀好英文半小時,連續「練功」至少半年,堅持到便有機會成功了!

家:多謝趙Sir介紹這個「朗讀神功」,我也認同學英文一定要堅持天天做,天天用,持之以恆,一定有成的!

註:(一)「朗讀神功」不一定用SCMP,其他報紙、雜誌、書本,只要用看讀得明便可以。

(二)二○二一年前,香港中學只有HKCEE香港中學會考,二○一二年開始才有DSE,中學文憑考試。

馬國明 星級企業大獎2020 許志安
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/entertainment/wp-content/uploads/2021/05/2739chiu-20210506090131-150x150.jpg